ZIEMOVITUS

I.

ZIEMOVITUS

Piasti Polonorum Principis incliti filius: Militarem disciplinam instituit, victoriisque adversus Ungaros, Bohemos, Moravos, quorum Rex Suatoplueus tum bellô Germanicô distinebatur, Cassubiosque felix, amissas Popieli, post quem Piastus sceptro admotus fuerat, ignaviâ provincias recuperavit: sub finem saeculi 9. Sub eo Russi, qui hodie secundum quosdam Cosaci, classe ad Pontum usque Euxinum excurrerunt, Constantino polique frustra obsessâ reversi, ex captivis religionem Christianam addidicerunt, A. C. 860. Norvegi quoque tyrannidem Haraldi fugientes, in Islandiam, Ingulfô Duce, eôdem fere tempore migrârunt, vide Mart. Cromerum, Hist. Polon. l. 2. Obiit Ziemovitus a. C. 892. successore filiô Lescô VI. quietis et otii, quam belli, amantiore.

II.

ZIEMOVITUS

fil. Conradi, Mazoviae Ducis, frater Casimiri Lenciciensis, cuius ex filio Uladislao Loctico nepos Casimirus Magnus, A. C. 1370. in Piastea familia, qui Polonis imperâsset, ultimus finem vivendi fecit. Pulsus est Ziemovitus a fratre Siradiensi Principatu: Pater, inte ralios Conradi, qui regnum adversus Boleslaum Calvum, et postea Lescum Nigrum, cui praeter Cracoviam a Germanis servatam nihil superfuit, sibi vindicare conatus, spe suâ excidit: et Boleslai Ducis Plocensis: quô genitus Ziemovitus Mazoviam A. C. 1355. Regi Casimiro obnoxiam fecit. Huius filiiduo Iohannes, et Ziemovitus, ille Warsovianae

vel Cirnensis, hic Plocensis seu Ravensis, linearum auctores fuêre, de quibus vide infra.

III.

ZIEMOVITUS

filius Boleslai praefati, auctor rami Plocensis seu Ravensis, regnum Poloniae sibi oblatum recusavit: Pater Ziemoviti, qui post Iagellonis mortem eius fuit gubernator. Ultimi tandem ex hac familiâ Zremovitus atque Uladislaus fratres, Duces Ravenses, venenô dicuntur sublati A. C. 1462. ut ditio ad Regnum reverteretur: quemadmodum et Iohannis retro memorati posteritas in Iohanne et Stanislao, simulque omnis in Polonia Piasteus sanguis exstinctus est A. C. 1526. Regi relictâ successione: a quo tempore Mazovia Regno coniuncta mansit, nec Regi Sigismundo concessum est, ut eam uxori dotalitiam faceret.

IV.

ZIEMOVITUS

seu SEMOVITUS, filius minimus Casimiri II. Silesiae Ducis, auctoris rami Teschinensis, qui A. C. 1288. Regi Boehmiae Wenceslao se submiserat: improlis defecit. Frater Casimiri III. cuius poste ritas in Friderico Wilhelmo nostrâ memoriâ, simulque tota Miecislai, qui Silesiae superioris Ducum sator fuit, linea terminata est. Huius Casimiri filius maior natu itidem Semovitus, Glogoviam tenuit, sed sine prole exstinctus est. Vide Phil. Iacob. Spenerum, Syll. Geneal. Hist. in Fam. Piastea.